البرواز


قلتي لي إنسى ..
ومن يومها وأنا كلِّ ليله قدَّامي البرواز ..
حبر العيون ودمع القلم في دفتري ..
وصورتك رغم الألم ..
ورغم إنَّها خذت من أطباعك كثير ..
وخانت البرواز ..
أشوفها في خاطري ..
حبيبتي مابيدي حيله ..
لى صرتي الصَّوره .. وعيوني البرواز ..
وشلون أبنسى ...
* * * * * *
أتعبتي الصَّوره مشاوير ..
وتعبت أنا بلقى لغدرك معاذير ..
وصورتك الِّلي سجنت بروازها طول السَّنين ..
كانت جسد وبروازها الرَّوح ..
ويوم نزعت منها الجسد .. تجرَّحت أطرافها ..
وبجروحها راحت لمين ..
لبروازها الثاني ..
مسكين .. بيسجنك ويبقى سجين ..
تشبه لك أقداره .. خانته
وصورتك يجي يوم وتخونه ..
حبيبتي أو للأسف حبيبته ..
لى صرتي الصوره وجفونه البرواز ..
وشلون ينسى ...
* * * * * *
حبيبتي لاجل أنسى جرحك وأستريح بأبكي ..
وبعد البكى بأبكي ..
وأكيد في لحظه بتجي .. وبيجفِّ دمعي
وعندها صورتك الِّلي فعيوني .. بتعاف برواز الظَّما ..
بتصير صحرا وهو سما ..
بتمرَّني الدَّمعه الأخيره ..
تاخذ معاها صورتك وتطيح ..
وكنِّي بهالدمعه سكِّين جرحها وجهي ..
وكنِّي بالمسافه تطول ..
مابين عيني ودمعتي وخدَّي
وكنِّي بقلبي الحاير المسكين .. نبضه يقول
لاتودِّع الفرقا .. الدَّمع مايرقى ..
وعندها لى نزلت الدمعه من الجرح الأخير ..
وفارقت وجهي أنا ..
بغمِّض عيوني .. وأكسِّر البرواز ..
وأكيد أبنسى ...

انشاء الله تعجبكم الكلمات

يعطيك العافيه على كلمات الاغنيه أخوي شين


محمد عبدهـ فنان العرب عاد

من جد الاغنيه هذاي شي


ماننحرم من جديدك

رووووووووووووووووووووووووووووووعهـــــــــ وربي

يا عيييييييييييييييييييني عليك يا شين


تقبل خالص تحياتي ،،